Ислам динин туткан адамдардын кудайдын бирдигин, Мукамбет анын элчиси экендигин ырастоо, моюнга алуу, ага ишенгендигин айгинелөө үчүн айтылуучу атайын формула (ла аллахи иллалла, Мухаммед Расул Алла – Бир Алдадан башка Алда жок, Мукамбет Алданын элчиси). Тилиме келме келтирип («Манас» С. О.). Төрөлөрдүн жаны оозуна келип, келмеден башканы айтпай калышты (Абдукаримов). Оозунда келме, Башында селде (Тоголок Молдо). Кээси ичтеринен келме келтиришти (Сыдыкбеков). Айта бергин келмеңди, Акка мойнуң сундуң – деп («Эл адабияты»).

Дал ушундай окуя сенин да башыңа келет, мындай көрүнүшкө сен да туш болосун деген мааниде, көбүнчө, таба кылуу иретинде айтылат. Айлаңды кудай таптыбы? Келме кезек келдиби? (фольк.). Келме кезек экен го, Минтип, эркегибиз кул болдук (фольк.).

Кезектин ирети, кайталанып келип турушу, көбүнчө, таба кылуу иретинде айтылат. Айлаңды кудай таптыбы? Келме кезек келдиби? (фольк.). Келме кезек экен го, Минтип, эркегибиз кул болдук (фольк.).

Дайыма кудайга жалына берүүчү адам, такыба чалыш киши. Келме көйдүн барысы, Кайрат кылар заманы («Манас»).

1. Келмени жарыя айтуу, үн чыгарып келме келтирүү, мусулман экендигин күбөлөө, далилдөө. 2. Кандайдыр бир фактыга далил берүү үчүн күбөлөндүрүү көрсөтмө. Келме шаадат келтирип («Манас» С. О.).